Анотация: | Кыргызстан жана кыргыз калкы эгемендүүлүккө ээ болгондон тартып (1991-ж. бери карай), элибиздин басып өткөн карт тарыхына, тагыраак айтканда этногенез маселелерине, этностук тарыхына, этносаясий жана руханий баалуулуктарына болгон илимий өңүттөгү кызыгуулары жанданды. Гуманитардык багыттагы илимдерди, анын ичинен тарых жана этнография илимин элдик оозеки чыгармаларды пайдалануусуз изилдөө жүргүзүү мүмкүн эмес. Себеби, аталган булактар тарых жана этнология, этносаясат таануу илимдери үчүн көөнөргүс булак катары кызмат өтөрү ырас жана этнологиялык маалыматтар, каада-салт, үрп-адат, жөрөлгө жана салттуу маданиятка байланышы бар. |
