Анотация: | Таң каларлык техникалык жетишкендиктер доорунун жемиши катары кинематограф адамзат коомунда өзүнүн татыктуу ордуна ээ болду. Адамзат психологиясынын тереңине жана тарыхый процесстердин маңызына сүңгүп кирүү аракетине ылайык ХХ1 кылымда ага тең боло турган бир да искусство болгон жок. Ошондуктан дүйнөлүк кинонун этаптарын жана өзгөчөлүктөрүн ар тараптуу изилдөө ар дайым актуалдуулукка ээ, анткени киноискусствонун калктын кеңири катмарларына тийгизген таасири масштабдуу. Бул искусствонун көптөгөн түрлөрүнүн бирдиктүү иш-аракеттеринин концепциясын конкреттештирип, тереңдетүүгө, салттар менен новаторлуктун өзгөчөлүгүнүн маңызын, кинонун өнүгүүсүндөгү улуттук жана башка факторлордун диалектикалык өз ара байланыштарын иликтөөгө шарт түзөт. |
