Анотация: | Азыркыга чейин педагогика, психология, социология, этнография илимдеринде бала темасы иликтөөгө алынганы менен, кыргыз тил илиминде балага байланыштуу тил бирдиктери өз алдынча лексикалык топ катары жана «Бала» концепти катары атайын изилдөөгө алына элек болчу. Бала дүйнөсүндө адамдын өнүгүү стадиясы камтылуу менен бирге, элдин маданиятынын негизин түзгөн компонент катары анда татаал маданий-тарыхый феномен да камтылган. Себеби бала өзүнүн өсүп-жетилүү стадиясында алгачкы коомдук түзүлүштү басып өткөн сыяктуу эле улуттук маданий, социалдык, руханий мейкиндикти басып өтүп, өз коомуна мүчө болот. |
