Анотация: | СССРдин ыдырашы жана Кыргызстандын көз карандысыздыкка ээ болушу менен биздин өлкөдө улут аралык мамилелерди, тынчтыкты сактоо проблемаларын чечүүнүн жолдорун жаңыдан изилдөө талап кылына баштады. Суверендүү Кыргыз мамлекетинин бирдиктүү элин түзүшкөн улуттардын кызыкчылыгын көздөгөн улуттук-маданий борборлор (УМБ) улуттук маданияттын көп түрдүүлүгүн сактоо, келечек муундарга мурас калтыруу максатында жаралган. Алардын саны, курамдык түзүлүшү, курамы жана ага болгон мүчөлүгү коомдогу демократиянын өнүгүү деңгээли, мамлекеттик маданий потенциалы жана башкалар менен аныкталат. Улуттук маданий борборлор аткара турган иш-милдеттер акырындап кеңейип, уламдан-улам татаалдана берет. Улуттук-маданий борборлордун тарыхый тажрыйбасын изилдөө - алардын өз милдеттерин жана максаттарын ишке ашыруу боюнча ишмердүүлүктөрүн жеткиликтүү өнүктүрүп-өркүндөтүү үчүн зарыл болуп саналат. |
