Анотация: | Кыргыз искусствосунун дүйнө таанымдагы ролун изилдөөнүн актуалдуулугу азыркы социумдагы индивиддин ишмердүүлүгүндө жана тышкы дүйнө, реалдуулук менен өз ара катышында өнүгүүнүн, өздүк таанып-билүүнүн каражаттары, механизмдери болуп саналган көркөм чыгармачылыктын жана маданияттын маанисинин өсүшү менен шартталат. Искусство байыркы доорлордон тартып философиялык изилдөөлөрдүн предмети болуп келген, анын түрдүү теориялары бар болгонуна карабастан, көркөм өнөрдүн мазмуну, спецификасы, социалдык мааниси жеткиликтүү даражада изилденип бүттү, эч кандай дискуссиялык суроолор калган жок деп айтуу кыйын. Адам жашоосунун бул феномени өтө татаал, ар тараптуу, андыктан белгилүү учурда анын толук аягына чыккан теориясын түзүү оңой эмес. Ошол себептүү искусствонун теориялык проблемаларын изилдөө бүгүнкү күндө да өз актуалдуулугун жогото элек. |
