Анотация: | Өсүмдүктөрдөн алынган дары дармектер адамдын көптөгөн ооруларын дарылоо жана алдын ала дарылоодо чоң мааниге ээ. Бүткүл дүйнө жүзүндө дары өсүмдүктөрдү изилдөө жана колдонуу саламаттыкты сактоодо, фармацевтикалык өндүрүштө өзгөчө актуалдуулукта турат. (Муравьев И. А., 1965; Зубарев Ф. П., 1969; Кукенов М. К., 1989; Алтымышев А. А., 1991). Кыргыз Республикасынын (мындан ары карай – КР) өсүмдүктөр дүйнөсү дары өсүмдүктөрдүн чийки затынын булагы катары чоң потенциалдык мүмкүнчүлүктөргө ээ. Медициналык практикага фармакопиялык жактан коë берилген дары – дармектердин чийки заттарынын өсүмдүк-булактарынан КР да 200 дөн көбүрөөк түрү өсөт, анын ичинен 80ге жакын түрү илимий медицинада колдонулат. Дары өсүмдүктөрдүн популяцияларынын табигый кору жана алардын экологиялык абалы тууралуу заманбап маалыматтар КР аймагында жетишээрлик эмес. (Бажецкая А. А., 1972; Алимбаева П. К., 1986; Картанбаев Дж. К, 1990, 2002; Сазыкулова Г. Д., 2002, 2003; Шалпыков К. Т., 2013, 2015). |
