Анотация: | Идеологиялык константадан бошотулган советтик мезгилдеги романдардын поэтикасын талдоодогу илимий ыкмаларды кайрадан карап чыгуу жана сынчыл ой жүгүртүүнү кайра багыттоо мааниге ээ маселе болмокчу. Кыргыз романдарынын поэтикасын сынчыл аңдап-түшүнүү үчүн күч жумшаган, баалуулугун жоготпогон (бир автордун романдарынын поэтикасын, айрым романдардын поэтикасын талдоо) ата-мекендик жана советтик изилдөөчүлөрдүн эмгектерин таануу менен мындан ары дагы терең талдоону, тактоону жана жалпылоону талап кылган соболдор калгандыгын белгилей кетсек. Романдардын поэтикасынын жалпыланган мүнөздөгү эволюциясы боюнча иштер жок, батыш изилдөөчүлөрүнүн поэтиканы талдоо нормалары биздин романдарга дайыма эле колдонула бербейт. Диссертациянын актуалдуулугу улуттук нормативдик поэтиканын каражаттарын жана ыкмаларын орус гана эмес, дүйнөлүк адабий чыгармалардын поэтикасы менен шайкештикте ачып көрсөтүү, анын спецификасы менен динамикасын аныктаган кыргыз романдарынын поэтикасын тутумдуу изилдөө менен түшүндүрүлөт. |
