Анотация: | Иштин негизги максаты кыргыз, түрк жана монгол тилдериндеги лексикалык параллелдердеги тыбыштык шайкештиктер, өзгөрүүлөр, өнүгүүлөрдү аныктоо болуп эсептелет. Ушундай максаттан улам эмгекте төмөнкүдөй милдеттерди аткаруу жагы алдыга коюлду: лексикалык жана фонетикалык параллелдердин алкагында алтай тил бүлөсүнүн ишенимдүүлүгүн ортого салуу; кыргыз, түрк жана монгол тилдериндеги байыркы лексикалык параллелдерди табуу чегинде кыргыз жана түрк тилдериндеги тыбыштык шайкештиктерди, өзгөрүүлөрдү, өнүгүүлөрдү аныктоо; тыбыштык шайкештиктердеги өзгөрүүлөрдүн себептерин ачуу; жазма булактар боюнча алардын хронологиялык өзгөрүүлөрүн баалоо; кыргыз, түрк жана монгол тили ортосундагы лексикалык параллелдерди белгилөө аркылуу түрк тилдеринин унутула баштаган лексикалык курамын аныктоо; түрк-монгол тилдеринин ортосундагы өз ара таасир этүүлөрдү тактоо. |
