Анотация: | Кыргыз Республикасынын мектептеринде предметтик билим берүүнүн мамлекеттик стандарттарынын кыргыз тили бөлүмүндө: «…кеп ишмердиги мектептеги тил боюнча билим берүүнүн негизин түзөт, ал эми тилдик материал жана тилдик система кеп ишмердигине окутуунун каражаттары болуп саналат»1 - деп кыргыз тилин окутуунун максаты ачык көрсөтүлгөн. Ошол эле стандарттын 175-бетинде: «тилдик материал - ошол тилде түзүлгөн тексттердин жыйындысы»,- деп, ал эми «тилдик система - фонетика, сөздүк состав, грамматика» экендиги белгиленген. Мындан улам кыргыз тилин орто мектептерде окутуунун мазмунун тилдик система, тактап айтканда, тилдин фонетикалык түзүлүшү , сөздүк составы, морфология менен синтаксиси түзбөстөн, жандуу жана максаттуу сүйлөшүүгө, баарлашууга багыттап окутуу зарылдыгы белгиленүүдө. Демек, грамматикалык-теориялык материалдар окуучуларды байланыштуу кепке үйрөтүүнүн каражаты катары кызмат кылууга тийиш. |
